ຄະນະໂຄສະນາອົບຮົມແຂວງ ຈັດພິທີສະເຫຼີມສະຫຼອງ ວັນເດັກນ້ອຍສາກົນ ຕິດພັນກັບວັນປູກຕົ້ນໄມ້ແຫ່ງຊາດ

ລາຍລະອຽດ

ສ້າງຂື້ນເມື່ອ ວັນພຸດ, 07 ມີຖຸນາ 2023 04:26

ຂຽນໂດຍ Darling

    ວັນທີ 31 ພຶດສະພາ 2023 ຄະນະໂຄສະນາອົບຮົມແຂວງໄດ້ຈັດພິທີ ສະເຫຼີມສະຫຼອງ ວັນເດັກນ້ອຍສາກົນຄົບຮອບ 99 ປີ (1 ມິຖຸນາ 1924-1 ມິຖຸນາ 2023) ຕິດພັນກັບວັນປູກຕົ້ນໄມ້ແຫ່ງຊາດ ຄົບຮອບ 43 ປີ (1 ມິຖຸນາ 1980-1 ມິຖຸນາ 2023) ພາຍໃຕ້ການເຂົ້າຮ່ວມຂອງ ທ່ານ ແສງຄຳ ສຸວັນແດງ ຮອງຫົວໜ້າຄະນະໂຄສະນາອົບຮົມ ແຂວງ, ມີຄະນະໂຄສນາອົບຮົມແຂວງ ພ້ອມດ້ວຍພະນັກງານ-ລັດຖະກອນເຂົ້າຮ່ວມ ທັງໝົດ 17 ຄົນ, ຍິງ 11 ຄົນ ແລະ ຍັງມີນ້ອງນ້ອຍທີ່ເປັນລູກ-ຫຼານຂອງພະນັກງານພາຍໃນໂຄສະນາອົບຮົມແຂວງ ເຂົ້າຮ່ວມຢ່າງເປັນຂະບວນຟົດຟື້ນ.

ໃນພິທີດັ່ງກ່າວ ທ່ານ ນາງ ຈັນສະໄໝ ວິໄລສານ ຮອງຫົວໜ້າຄະນະໂຄສະນາອົບຮົມແຂວງ, ປະທານໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ໄດ້ຜ່ານປະຫວັດຄວາມເປັນມາ ແລະ ການສະເຫຼີມສະຫຼອງວັນເດັກ ນ້ອຍສາກົນ ແມ່ນເຫດການທີ່ມີຄວາມໝາຍຕໍ່ເດັກ ທີ່ເປັນອະນາຄົດຂອງຊາດ, ເປັນໜໍ່ແໜງແຫ່ງຊີວິດໃນມື້ນີ້ ເພື່ອກາຍເປັນອະນາຄົດອັນແຈ່ມໃສຂອງປະເທດຊາດໃນມື້ໜ້າ. ຊຶ່ງພິທີດັ່ງກ່າວຍັງໄດ້ຈັດກິດຈະກຳເພື່ອໃຫ້ເດັກມີຄວາມມ່ວນຊື່ນ, ມີສ່ວນຮ່ວມ ແລະ ໄດ້ສະແດງຄວາມສາມາດໃນແຕ່ລະດ້ານເປັນຕົ້ນໃຫ້ເດັກ ຮ່ວມຕອບຄຳຖາມວິທະຍາ ສາດ, ຫຼີ້ນເກມ, ຮ້ອງເພງ ພ້ອມນັ້ນກໍໄດ້ມອບຂອງລາງວັນໃຫ້ເດັກທີ່ຮ່ວມກິດຈະກໍານໍາອີກ.

ພ້ອມນີ້ໃນວັນທີ 1 ມິຖຸນາ 2023 ຄະນະໂຄສະນາອົບຮົມແຂວງ ຍັງໄດ້ຮ່ວມກັນປູກຕົ້ນໄມ້ ເພື່ອເປັນການພັດທະນາຊັບພະຍາກອນທຳ ມະຊາດ ແລະ ສິ່ງແວັດລ້ອມໃຫ້ມີຄວາມຍືນຍົງ, ອຸດົມສົມບູນ ແລະ ສ້າງເທດສະບານເມືອງລະມາມ ແຂວງເຊກອງໃຫ້ມີຄວາມສະອາດ, ສີຂຽວ ແລະ ສວຍງາມ; ທັງເປັນການປະຕິບັດຄຳຂັວນ 4 ສ 3 ຄ ຂອງເມືອງລະມາມ ແຂວງເຊກອງໃຫ້ປະກົດຜົນເປັນຈິງ.

ຄະນະໂຄສະນາອົບຮົມແຂວງ ຈັດປາຖະກະຖາ 2 ວັນປະຫວັດສາດທີ່ສຳຄັນຂອງພັກ, ຂອງຊາດ ໃຫ້ແກ່ພະນັກງານ-ລັດຖະກອນ ຢູ່ຄະນະໂຄສະນາອົບຮົມແຂວງ

ລາຍລະອຽດ

ສ້າງຂື້ນເມື່ອ ວັນພຸດ, 24 ພຶດສະພາ 2023 04:12

ຂຽນໂດຍ Darling

        ເວລາ 8:30 ໂມງຂອງວັນທີ 17 ພຶດສະພາ 2023 ຄະນະໂຄສະນາອົບຮົມແຂວງ ໄດ້ຈັດປາຖະກະຖາ ວັນຜ່າວົງປິດລ້ອມຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 64 ປີ (18/5/1959-18/5/2023) ແລະ ວັນວິລະກຳ ແຫກຄຸກຢ່າງມະຫັດສະຈັນຂອງບັນດາທ່ານຜູ້ນຳພັກ ແລະ ແນວລາວສ້າງຊາດຄົບ 63 ປີ (24/5/1960-24/5/2023)ພາຍໃຕ້ການເຂົ້າຮ່ວມເປັນປະທານຂອງ ທ່ານ ນາງ ຈັນສະໄໝ ວິໄລສານ ຮອງຫົວໜ້າຄະນະໂຄສະນາອົບຮົມແຂວງ, ທ່ານ ເຈັງໄຊ ປອນຍະວົງ ຫົວໜ້າຂະແໜງໂຄສະນາ ປາຖະກາຖາ, ມີພະນັກງານ-ລັດຖະກອນ ຂອງຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 21 ທ່ານ, ຍິງ 13 ທ່ານ.

ອ່ານເພີ່ມເຕີມ...

ຄະນະໂຄສະນາອົບຮົມແຂວງ ເປີດກອງປະຊຸມກາງສະໄໝ ຂອງໜ່ວຍພັກຮາກຖານຄະນະໂຄສະນາອົບຮົມແຂວງ ຄັ້ງທີ V

ລາຍລະອຽດ

ສ້າງຂື້ນເມື່ອ ວັນພຸດ, 24 ພຶດສະພາ 2023 04:01

ຂຽນໂດຍ Darling

        ກອງປະຊຸມກາງສະໄໝ ຂອງໜ່ວຍພັກຮາກຖານຄະນະໂຄສະນາອົບຮົມແຂວງ ຄັ້ງທີ V ໄດ້ໄຂຂຶ້ນໃນຕອນເຊົ້າ ຂອງວັນທີ 11 ພຶດສະພາ 2023 ພາຍໃຕ້ການເຂົ້າຮ່ວມເປັນປະທານຂອງ ສະຫາຍ ນາງ ຈັນຫອມ ມະຫາໄຊ ຮອງເລຂາພັກແຂວງ ຜູ້ຊີ້ນຳການເມືອງ-ແນວຄິດ, ວຽກພັກ-ພະນັກງານ, ສະຫາຍ ປອ ສົມນິດ ສິລິບຸນລ້ຽງ ຄະນະປະຈຳພັກແຂວງ ປະທານກວດກາພັກ ແຂວງ, ສະຫາຍ ນາງ ສີສະຫງ່າ ແກ້ວດວງດີ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ມີຄະນະຮັບຜິດຊອບຊຸກຍູ້ຕິດຕາມກອງປະຊຸມກາງສະໄໝຂັ້ນແຂວງ, ມີຄະນະພັກຮາກຖານ, ຄະນະໜ່ວຍພັກຂົງເຂດພັກ-ພະນັກງານ ພ້ອມດ້ວຍສະມາຊິກພັກຄະນະໂຄສະນາອົບຮົມແຂວງ ເຂົ້າຮ່ວມທັງ   ໝົດ 30 ສະຫາຍ, ຍິງ 19 ສະຫາຍ.

ອ່ານເພີ່ມເຕີມ...

ແຂວງເຊກອງຈັດພິທີປາຖະກະຖາ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 68 ປີ ແລະ ວັນສ້າງຕັ້ງແຂວງເຊກອງ ຄົບຮອບ 39 ປີ

ລາຍລະອຽດ

ສ້າງຂື້ນເມື່ອ ວັນພຸດ, 24 ພຶດສະພາ 2023 03:48

ຂຽນໂດຍ Darling

         ໃນຕອນເຊົ້າຂອງວັນທີ 12 ເມສາ 2023   ແຂວງເຊກອງ ໄດ້ຈັດພິທີປາຖະກະຖາ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 68 ປີ (22 ມີນາ 1955-22 ມີນາ 2023) ແລະ ວັນສ້າງຕັ້ງແຂວງເຊກອງ ຄົບຮອບ 39 ປີ (14 ເມສາ 1984-14 ເມສາ 2023) ພາຍໃຕ້ການເປັນປະທານ ແລະ ປາຖະກະຖາໂດຍ ສະຫາຍ ຄໍາບຸ່ນ ດ້ວງປັນຍາ ອະດິດກຳມະການສູນກາງພັກ, ອະດິດເລຂາພັກແຂວງ, ເຈົ້າແຂວງເຊກອງ, ມີສະຫາຍ ເຫຼັກໄຫຼ ສີວິໄລ ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງ ພ້ອມດ້ວຍບັນດາສະຫາຍຄະນະປະຈຳພັກແຂວງ, ກຳມະການພັກແຂວງ, ຫົວໜ້າ ແລະ ຮອງຫົວໜ້າພະແນກການອ້ອມຂ້າງແຂວງ ແລະ ພະນັກງານ-ລັດຖະກອນອ້ອມຂ້າງແຂວງເຂົ້າຮ່ວມທັງໝົດ 90 ສະຫາຍ, ຍິງ 25 ສະຫາຍ.

ອ່ານເພີ່ມເຕີມ...

ຄະນະໂຄສະນາອົບຮົມແຂວງ ເຂົົ້າຮ່ວມກອງປະຊຸມສ່ອງແສງລາຍງານການເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ) ຂອງຄະນະໂຄສະນາອົບຮົມແຂວງ

ລາຍລະອຽດ

ສ້າງຂື້ນເມື່ອ ວັນພຸດ, 24 ພຶດສະພາ 2023 03:25

ຂຽນໂດຍ Darling

          ຄະນະໂຄສະນາອົບຮົມແຂວງ ເຂົົ້າຮ່ວມກອງປະຊຸມສ່ອງແສງລາຍງານການເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ) ຂອງຄະນະໂຄສະນາອົບຮົມແຂວງ ປະຈຳໄຕມາດ I (1-2-3/ 2023)ໃນວັນທີ 28 ມີນາ 2023, ເວລາ 8:00 ໂມງເຊົ້າ ພາຍໃຕ້ການເຂົ້າຮ່ວມເປັນຂອງ ທ່ານ ນາງ ວິລະວອນ ພັນທະວົງ ຄະນະປະຈຳພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນຳວຽກງານກົມຂໍ້ມູນຂ່າວສານ ແລະ ຝຶກອົບຮົມ, ມີ ທ່ານ ວັນຕຸລາ ຣັກນຸດ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ຫົວໜ້າ, ຮອງຫົວໜ້າຄະນະໂຄສະນາອົບຮົມແຂວງ, ພ້ອມດ້ວຍພະນັກງານວິຊາການ ທີ່ຮັບຜິດຊອບວຽກງານເວັບໄຊສຂອງຄະນະໂຄສະນາອົບຮົມແຂວງ 16 ແຂວງ ແລະ 1 ນະຄອນຫລວງ ເຂົ້າຮ່ວມ.

ອ່ານເພີ່ມເຕີມ...