ລະນຶກວັນປະກາດໃຊ້ ລັດຖະທຳມະນູນແຫ່ງ ສປປ ລາວ ຄົບຮອບ 28 ປີ (15/8/1991-15/8/2019)

ຄອຂ(ຂະແໜງອົບຮົມ) ໄດ້ເປີດຝຶກອົບຮົມຢູ່ບ້ານດາກໂຈມ.

 

            ຄະນະໂຄສະນາອົບຮົມແຂວງເຊກອງ ( ຂະແໜງອົບຮົມ ) ໄດ້ຮ່ວມກັບ ຄະນະໂຄສະນາອົບຮົມ  ເມືອງ ດາກຈຶງ ເປີດຝຶກອົບຮົມຄວາມຮູ້ພື້ນຖານດ້ານການເມືອງ ການປົກຄອງ ແລະ ສ້າງບ້ານພັດທະນາ ໃຫ້ແກ່ປະຊາຊົນ ກຸ່ມບ້ານ ດາກໂຈມ ເມືອງດາກຈຶງ ຂຶ້ນໃນ ວັນທີ 28–30/5/2019 ພາຍໃຕ້ການເປັນປະທານ ຂອງ ທ່ານ ເພັງນາ ຈັນທະພອນ ຮອງເລຂາພັກເມືອງ ຜູ້ຊີ້ນວຽກງານພັກ-ພະນັກງານ ພ້ອມດ້ວຍ ທ່ານ ແສງຄຳ ສຸວັນແດງ ຄະນະໂຄສະນາອົບຮົມແຂວງ,

ທ່ານ ບູນ ພອນມີໄຊ ກຳ ມະການພັກເມືອງ ຫົວໜ້າຄະນະໂຄສະນາອົບຮົມເມືອງ ດາກຈຶງ, ພະນັກງານຈາກຄະນະໂຄສະນາອົບຮົມແຂວງ ແລະ ເມືອງ ຈຳນວນ 4 ທ່ານ, ມີນັກສຳມະນາກອນເຂົ້າຣ່ວມທັງໝົດ 24 ສະຫາຍ, ຍິງ 5 ສະຫາຍ.

        ຈຸດປະສົງ ເພື່ອຍົກລະດັບຄວາມຮູ້ພື້ນຖານດ້ານການເມືອງ ການປົກຄອງ ແລະ ສ້າງບ້ານພັດທະນາ ໃຫ້ແກ່ພະນັກງານ-ສະມາຊິກພັກ, ພະນັກງານຫຼັກແຫຼ່ງນຳພາ ແລະ ປະ ຊາຊົນຢູ່ຮາກຖານບ້ານ ມີຄວາມຮັບຮູ້, ເຂົ້າໃຈຕໍ່ແນວທາງ ນະໂຍບາຍຂອງພັກ, ແຜນການພັດທະນາເສດຖະກິດ-ສັງຄົມ ແລະ ລະບຽບກົດໝາຍຂອງລັດ. ເພື່ອສ້າງຄວາມເຂັ້ມແຂງໃຫ້ອົງການປົກຄອງບ້ານ, ຍົກສູງການນຳພາຂອງໜ່ວຍພັກບ້ານ, ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ສ້າງບ້ານໃຫ້ເປັນຫົວໜ່ວຍພັດທະນາ ແກໄຂຄວາມທຸກຍາກດ້ວຍການຜະລິດເປັນສິນຄ້າ, ຍົກສູງສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ.

     ໃນບັ້ນຝຶກອົບຮົມໄດ້ຜ່ານເອກະສານ 5 ບົດຄື:

-    ບົດທີ 1: ຊາດລາວ ຄົນລາວ ແລະ ມູນເຊື້ອອັນສະຫງ່າລາສີ ບັນຍາຍໂດຍ ທ່ານ ເພັງນາ ຈັນທະພອນ

ຮອງເລຂາພັກເມືອງ.

-    ບົດທີ 2: ລະບົບການເມືອງ ແລະ ການປົກຄອງໃນລະບອບປະຊາທິປະໄຕປະຊາຊົນລາວ ບັນຍາຍໂດຍ 

ທ່ານ ແສງຄຳ ສຸວັນແດງ ຄະນະໂຄສະນາອົບຮົມແຂວງ.

-    ບົດທີ 3: ຍົກສູງຄວາມສາມາດນຳພາຂອງໜ່ວຍພັກບ້ານ ສ້າງໜ່ວຍພັກປອດໃສ, ເຂັ້ມແຂງ ແລະ 

ໜັກແໜ້ນ ບັນຍາຍໂດຍ ທ່ານ ວຽງຄຳ ຈືນໂຮງສາ ເລຂາຄະນະພັກຮາກຖານ ນາຍບ້ານ ດາກໂຈມ.

-    ບົດທີ 4: ສ້າງບ້ານເປັນຫົວໜ່ວຍພັດທະນາ ບັນຍາຍໂດຍ ທ່ານ ບຸນທະວີ ພົມມະວົງສາ ຫົວໜ້າ 

ປກສ ກຸ່ມບ້ານ.         

-    ບົດທີ 5: ຄວາມຮູ້ພື້ນຖານກ່ຽວກັບຊາຍແດນ ບັນຍາຍໂດຍ ທ່ານ ບູນ ພອນມີໄຊ ຫົວໜ້າຄະນະ

ຄສະນາອົບຮົມເມືອງ.

   ເພື່ອໃຫ້ຊຸດຝຶກອົບຮົມຄັ້ງນີ້ມີຄວາມໝາຍເລິກເຊິ່ງ ທ່ານ ເພັງນາ ຈັນທະພອນ ຮອງເລຂາພັກເມືອງ ໄດ້ໂອ້ລົມ ແລະ ໃຫ້ທິດຊີ້ນຳນັກສຳມະນາກອນ ຮູ້ໄດ້ເຖິງການພັດທະນາຄົນໃຫ້ມີປະສິດທິຜົນໃນການໝູນ ໃຊ້ຄວາມຮູ້ສົມທົບກັບວິຊາການ, ວິຊາສະເພາະ ເຂົ້າໃນວຽກງານການຜະລິດເປັນສິນຄ້າ, ວຽກງານການ ເມືອງ-ແນວຄິດ ໃຫ້ພະນັກງານລັດຖະກອນ ປະຊາຊົນມີຄວາມຮັກແພງ ສາມັກຄີປອງດອງເປັນເອກະພາບ, ບໍ່ໃຫ້ຖືເບົາການດຳເນີນຊີວິດການເມືອງ, ຈິງໃຈຕໍານິສົ່ງຂ່າວເຊິ່ງກັນ ແລະ ກັນປັບປຸງແນວຄິດໃຫ້ຖຶກຕ້ອງຂະຫຍາຍພັກໃຫ້ຖືຄຸນນະພາບເປັນກົກ. 

 

      

 

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ກູ້ໄພ:          1624

 

ຈຳນວນຄົນອອນໄລ໌ທ

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

100603
ມື້ນີ້ມື້ນີ້68
ມື້ວານນີ້ມື້ວານນີ້141
ອາທິດນີ້ອາທິດນີ້7
ເດືອນນີ້ເດືອນນີ້2666
ທັງໝົດທັງໝົດ100603