ຊົມເຊີຍ ວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ (22/3/1955-22/3/2020)

  • ທ່ານຫົວໜ້າຄະນະໂຄສະນາອົບຮົມແຂວງ ລົງ
  • ທ່ານ ບຸນທັນ ແກ້ວມະນີໄລ ໄດ້ລົງຊຸກຍູ້
  • ຜົນສໍາເລັດກອງປະຊຸມຄົບຄະນະບໍລິຫານງ
  • ທ່ານ ປ.ອ ຄໍາພັນ ພົມມະທັດ ໂອ້ລົມພະນັກ
  • ພິທີມອບ-ຮັບ ໜ້າທີ່ ຫົວໜ້າຄະນະໂຄສະນາ
  • ຄ.ອ.ຂ ເປີດບັ້ນເຊື່ອມຊຶມເອກະສານສໍາຄັ
ທ່ານຫົວໜ້າຄະນະໂຄສະນາອົບຮົມແຂວງ ລົງຊຸກຍູ້ວຽກງານການເມືອງ-ແນວຄິດຢູ່ເມືອງກະລຶມໃໝ່

ທ່ານຫົວໜ້າຄະນະໂຄສະນາອົບຮົມແຂວງ ລົງຊຸກຍູ້ວຽກງານການເມືອງ-ແນວຄິດຢູ່ເມືອງກະລຶມໃໝ່

 ໃນວັນທີ 22/6/2020 ຜ່ານມາ ທ່ານ ດາວວີ   ສວຍທະລັງສີ ກໍາມະການພັກແຂວງ, ເລຂາໜ່ວຍພັກ-&nb...
ຜົນສໍາເລັດກອງປະຊຸມຄົບຄະນະບໍລິຫານງານພັກແຂວງເຊກອງ ຄັ້ງທີ 11 ສະໄໝທີ IX

ຜົນສໍາເລັດກອງປະຊຸມຄົບຄະນະບໍລິຫານງານພັກແຂວງເຊກອງ ຄັ້ງທີ 11 ສະໄໝທີ IX

         ກອງປະຊຸມ ຄົບຄະນະບໍລິຫານງານພັກແຂວງເຊກອງ ຄັ້ງທີ 11 ສະໄໝທີ ...
ທ່ານ ປ.ອ ຄໍາພັນ ພົມມະທັດ ໂອ້ລົມພະນັກງານໂຄສະນາແຂວງເຊກອງ

ທ່ານ ປ.ອ ຄໍາພັນ ພົມມະທັດ ໂອ້ລົມພະນັກງານໂຄສະນາແຂວງເຊກອງ

            ຕອນເຊົ້າວັນທີ 7/10/2020 ທີ່ຫ້ອງປະຊຸມຄະນະປະຈໍາພັກ...
ພິທີມອບ-ຮັບ ໜ້າທີ່ ຫົວໜ້າຄະນະໂຄສະນາອົບຮົມ ແຂວງ  ເຊກອງ

ພິທີມອບ-ຮັບ ໜ້າທີ່ ຫົວໜ້າຄະນະໂຄສະນາອົບຮົມ ແຂວງ ເຊກອງ

      ໃນວັນທີ 8/10/2020 ຜ່ານມາ ຄະນະໂຄສະນາອົບຮົມແຂວງ ໄດ້ຈັດພິທີ ມອບ-ຮັບ ໜ້າທ...
ຄ.ອ.ຂ ເປີດບັ້ນເຊື່ອມຊຶມເອກະສານສໍາຄັນຂອງພັກ-ຂອງຊາດ

ຄ.ອ.ຂ ເປີດບັ້ນເຊື່ອມຊຶມເອກະສານສໍາຄັນຂອງພັກ-ຂອງຊາດ

       ຕອນເຊົ້າວັນທີ8/7/2020ຄະນະໂຄສະນາອົບຮົມແຂວງໄດ້ເປີດບັ້ນເຊື່ອມຊຶມເອ...
Previous
Next

ຂ່າວໃໝ່

ກອງປະຊຸມໃຫຍ່ສະມາຊິກພັກຮາກຖານຄະນະໂຄສະນາອົບຮົມແຂວງຄັ້ງທີ V ສໍາເລັດລົງຢ່າງຈົບງາມ

                             ກອງປະຊຸມໃຫຍ່ ສະມາຊິກພັກຮາກຖານ ຄະນະໂຄສະນາອົບຮົມແຂວງ ຄັ້ງທີ V ສໍາເລັດລົງຢ່າງຈົບງາມ

        ໃນຕອນເຊົ້າວັນທີ 7/2/2020 ທີ່ຫ້ອງປະຊຸມຊັ້ນ 3 (ຫ້ອງວ່າການຫຼັງເກົ່າ) ກອງປະຊຸມໃຫຍ່ ສະມາຊິກພັກຮາກຖານ ຄະນະໂຄສະນາອົບຮົມແຂວງ ຄັ້ງທີ V ໄດ້ດໍາເນີນຢ່າງ ເປັນທາງການ ພາຍໃຕ້ການເປັນປະທານ, ກ່າວໄຂ ແລະ ກ່າວອັດ ຂອງສະຫາຍ ດາວວີ ສວຍທະລັງສີ ກໍາມະການພັກແຂວງ, ເລຂາໜ່ວຍພັກ ຫົວໜ້າຄະນະໂຄສະນາອົບຮົມ ແຂວງ ແລະ ເປັນກຽດເຂົ້າຮ່ວມຂອງສະຫາຍ ປ.ອ ຄໍາພຽມ ບົວລະພາ ຮອງເລຂາພັກແຂວງ; ພ້ອມດ້ວຍແຂກຖືກເຊີນ ຈາກອົງການຈັດຕັ້ງພາຄີກຸ່ມພັກ ພະນັກງານບໍານານ ຕະຫຼອດຮອດ ສະມາຊິກພັກສົມບູນ-ສໍາຮອງ ພາຍໃນໜ່ວຍເຂົ້າຮ່ວມທັງໝົດ 25 ສະຫາຍ, ຍິງ 12 ສະຫາຍ, ສະມາຊິກພັກສໍາຮອງ 1 ສະຫາຍ; ແຂກຖືກເຊີນ 7 ສະຫາຍ ຍິງ 2 ສະຫາຍພະນັກງານບໍານານ 2 ສະຫາຍ, ຜູ້ແທນສົມບບູນ(ສະມາຊິກພັກສົມບູນ) 16 ສະຫາຍ, ຍິງ 8 ສະຫາຍ.

   ກອງປະຊຸມໃຫຍ່ ດໍາເນີນໄປດ້ວຍຈິດໃຈອັນເຄັ່ງຮ້ອນ ແລະ ປ່ຽມລົ້ນໄປດ້ວຍບັນຍາກາດຟົດຟື້ນ ທັງຮັບປະກັນໄດ້ຄວາມ ສາມັກຄີເປັນເອກະພາບພາຍໃນສູງ,  ສະແດງອອກດັ່ງນີ້:

ໜຶ່ງ: ກອງປະຊຸມໃຫຍ່ ໄດ້ຄົ້ນຄວ້າຢ່າງເລິກເຊິ່ງ ແລະ ເຫັນດີເປັນເອກະສັນ ຮັບຮອງເອົາບົດລາຍງານການຊີ້ນໍາ-ນໍາພາ ຂອງຄະນະໜ່ວຍພັກ ສະໄໝທີ IV ໄລຍະ 5 ປີ ຜ່ານມາ (2016-2020) ຕໍ່ກອງປະຊຸມໃຫຍ່ ຄັ້ງທີ V ແລະ ທິດທາງ, ໜ້າທີ່ຈຸດສຸມ ຂອງວຽກງານໂຄສະນາອົບຮົມ 5 ປີ  ຕໍ່ໜ້າ (2020-2024) ສະເໜີໂດຍ: ສະຫາຍ ແສງຄໍາ ສຸວັນແດງ ປະທານກວດກາໜ່ວຍພັກ ຮອງຄະນະໂຄສະນາອົບຮົມແຂວງ, ໂດຍໄດ້ຕີລາຄາຢ່າງພາວະວິໄສ ຕໍ່ກັບຜົນງານ-ດ້ານດີ, ດ້ານອ່ອນ-ຂໍ້ຄົງຄ້າງ, ບົດຮຽນທີ່ຖອດຖອນໄດ້, ສາຍ ເຫດ ແລະ ວິທີແກ້ໄຂໃນຕໍ່ໜ້າ.

ສອງ: ກອງປະຊຸມໃຫຍ່ ໄດ້ເຫັນດີເປັນເອກະພາບຮັບຮອງເອົາ ບົດສໍາຫຼວດການນໍາພາລວມຂອງຄະນະໜ່ວຍພັກ ສະໄໝທີ IV ສະເໜີໂດຍ: ສະຫາຍ ດາວວີ ສວຍທະລັງສີ ກໍາ ມະການພັກແຂວງ-ເລຂາໜ່ວຍພັກ, ໂດຍຊີ້ໃຫ້ເຫັນວ່າ: ຕະຫຼອດໄລຍະ 5 ປີ ຂອງການປະຕິບັດ ມະຕິກອງປະຊຸມໃຫຍ່ ຄັ້ງທີ IX ອົງຄະນະພັກແຂວງເຊກອງ ສາມາດບັນລຸຜົນ ສໍາເລັດເປັນສ່ວນໃຫຍ່, ຄຽງຄູ່ກັນນັ້ນ ກໍຍັງມີດ້ານອ່ອນຂໍ້ຄົງຄ້າງຈໍານວນໜຶ່ງ ຊຶ່ງຕ້ອງສືບຕໍ່ແກ້ໄຂໃຫ້ດີກວ່າເກົ່າ; ທັງຜົນສໍາເລັດ ແລະ ຂໍ້ຄົງຄ້າງນັ້ນເກີດມາຈາກຫຼາຍສາຍ ເຫດ, ແຕ່ສາຍເຫດສໍາຄັນຕົ້ນຕໍກວ່າໝູ່ ແມ່ນຍ້ອນການເຄື່ອນໄຫວວຽກງານໂຄສະນາອົບຮົມ.

ສາມ: ກອງປະຊຸມໃຫຍ່ ໄດ້ເລືອກເອົາຄະນະໜ່ວຍຊຸດໃໝ່ ເຊິ່ງມີຜູ້ສະໝັກ 5 ສະຫາຍ, ຍິງ 1 ສະຫາຍ, ເລືອກເອົາ 3 ສະຫາຍ; ເລືອກເອົາຜູ້ແທນສົມບູນ-ສໍາຮອງ ໄປຮ່ວມກອງ ປະຊຸມໃຫຍ່ຂອງຄະນະພັກຂັ້ນເທິງ ເຊິ່ງມີຜູ້ສະໝັກ 5 ສະຫາຍ, ຍິງ 2 ສະຫາຍ, ເລືອກເອົາ 3 ສະຫາຍ; ບັນຍາກາດການປ່ອນບັດດໍາເນີນໄປຢ່າງມີປະຊາທິປະໄຕ, ໂປ່ງໃສ ແລະ ມີຄວາມຮັບຜິດຊອບສູງ  ເຮັດໃຫ້ການເລືອກຕັ້ງ ບັນລຸຜົນສໍາເລັດຕາມຄາດໝາຍ (ບໍ່ມີບັດຕາຍ-ບັດເສຍ).

ກອງປະຊຸມຄັ້ງປະຖົມມະລືກ ໄດ້ເປັນເອກະພາບໃນລະດັບສູງ ເລືອກເອົາຄະນະໜ່ວຍພັກ ຊຸດທີ V ປະກອບດ້ວຍບັນດາສະຫາຍ ດັ່ງລາຍຊື່ລຸ່ມນີ້:

1. ສະຫາຍ ດາວວີ ສວຍທະລັງສີ  ເປັນເລຂາໜ່ວຍພັກ.

2. ສະຫາຍ ແສງຄໍາ ສຸວັນແດງ   ເປັນຮອງເລຂາ.

3. ສະຫາຍ ບຸນທັນ ແກ້ວມະນີໄລ  ເປັນຄະນະ(ທັງເປັນປະທານກວດກາໜ່ວຍພັກ).

     ກອງປະຊຸມໃຫຍ່ ເຫັນດີເປັນເອກະສັນເລືອກເອົາ  ສະຫາຍ ແສງຄໍາ ສຸວັນແດງ ແລະ ສະຫາຍ ນ. ຈັນສະໄໝ  ວິໄລສານ ເປັນຜູ້ແທນສົມບູນ, ເລືອກເອົາສະຫາຍ ບຸນທັນ ແກ້ວມະນີໄລ ເປັນຜູ້ແທນສໍາຮອງ ເພື່ອເຂົ້າຮ່ວມກອງປະຊຸມໃຫຍ່ ຂອງຄະນະພັກຂັ້ນເທິງ

      ກອງປະຊຸມໃຫຍ່ ໄດ້ເລັ່ງທວງພ້ອມທັງມອບຄວາມຮັບຜິດຊອບອັນໃຫຍ່ຫຼວງ, ໜັກໜ່ວງແຕ່ມີກຽດສະຫງ່າ ໃຫ້ຄະນະ ໜ່ວຍພັກຊຸດໃໝ່ ຕ້ອງໄດ້ອອກແຮງເຊີດຊູບົດບາດ, ຄວາມສາມາດນໍາພາໃຫ້ສູງກວ່າເກົ່າ ເພື່ອເຮັດຫຼ້ອນໜ້າທີ່ການເມືອງ ອັນສູງສົ່ງທີ່ກອງປະຊຸມໃຫຍ່ໄດ້ມອບໝາຍໃຫ້.

ສີ່: ກອງປະຊຸມໃຫຍ່ ສຸດທີ່ພາກພູມໃຈ ແລະ ເປັນກຽດຢ່າງສູງ ທີ່ໄດ້ຕ້ອນຮັບ ສະຫາຍ ປ.ອ ຄໍາພຽມ ບົວລະພາ ຮອງເລຂາ ພັກແຂວງ ແລະ ຮັບຟັງຄໍາເຫັນໂອ້ລົມຊີ້ ທິດເຍືອງ ທາງ ຢ່າງມີຊີວິດຊີວາ, ເຊິ່ງສະຫາຍໄດ້ສະແດງ ຄວາມຊົມເຊີຍສັນລະເສີນ ຕໍ່ຜົນງານທີ່ຍາດມາໄດ້ ແລະ ເປັນຫ່ວງເປັນໃຍກັບດ້ານອ່ອນ, ຂໍ້ຄົງຄ້າງຈໍານວນໜຶ່ງ ຊຶ່ງຄະນະພັກຊຸດໃໝ່ ຕ້ອງແກ້ໄຂໃຫ້ ທັນການ ເປັນຕົ້ນ: ການສຶກສາອົບຮົມການເມືອງ-ແນວຄິດ ໃຫ້ເປົ້າໝາຍຕ່າງໆ ຍັງເຮັດແບບລວມໆ ໄດ້ແຕ່ຮູບການ, ລັກ ສະນະຕໍ່ສູ້-ລັກສະນະນໍາພາ ບໍ່ທັນແຂງແຮງເລິກເຊິ່ງເທົ່າທີ່ຄວນ, ເນື້ອໃນ ແລະ ຮູບການ ບໍ່ທັນສົມບູນ, ຫຼາຍຮູບ-ຫຼາຍສີແທ້, ການເກັບກໍາສະພາບ ແນວຄິດ-ຫາງສຽງສັງຄົມ, ການອະທິບາຍ ຊີ້ແຈງຕອບແກ້ບັນຫາທີ່ສັງຄົມ ຕັ້ງຂຶ້ນຍັງຊັກຊ້າຂາດຄວາມ ແຫຼມຄົມ... ທັງໝົດທັງປວງນັ້ນ ໄດ້ກາຍເປັນ ແລະ ກໍພວມເປັນ ສາຍເຫດສໍາຄັນອັນດັບໜຶ່ງ ເຮັດການປະຕິບັດບາງຄາດ ໝາຍສູ້ຊົນ ທີ່ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງເຊກອງວາງອອກ ບໍ່ສໍາເລັດຕາມຄາດໝາຍ, ເຊິ່ງເປັນ ສິ່ງທ້າທາຍທົດສອບ ແລະແມ່ນໜ້າທີ່ຄວາມຮັບ ຊອບໂດຍກົງ ຂອງບັນດາສະຫາຍ ຄະນະພັກຊຸດໃໝ່ ຈໍາເປັນຕ້ອງໄດ້ອຸທິດ ໝົດເຫື່ອແຮງ ສະຕິປັນຍາ ຊີ້ນໍາ-ນໍາພາ  ເອົາຊະນະໃຫ້ໄດ້.

    ດ້ວຍຄວາມກະຕັນຍູ ຮູ້ບຸນຄຸນຢ່າງລົ້ນເຫຼືອ, ກອງປະຊຸມຕີລາຄາວ່າ ການໃຫ້ກຽດເຂົ້າຮ່ວມຂອງສະຫາຍ ບໍ່ພຽງແຕ່ເປັນ ການປຸກລະດົມຂວັນກໍາລັງໃຈອັນໃຫຍ່ຫຼວງ ຕໍ່ກອງປະຊຸມເທົ່ານັ້ນ; ແຕ່ຫາກຍັງເປັນການນໍາເອົາການຊີ້ນໍາຢ່າງໄກ້ຊິດ, ຄວາມ ເອົາໃຈໃສ່ຢ່າງແທດເຖິງ, ຄວາມຫ່ວງໃຍອັນໃຫຍ່ຫຼວງ ແລະ ຄວາມຮັກແພງອັນສະໜິດສະ ໜົມ ຂອງຄະນະປະຈໍາພັກແຂວງ ມາຍັງກອງປະຊຸມຂອງພວກເຮົາອີກດ້ວຍ ຄໍາໂອ້ລົມຂອງສະຫາຍ ເປັນວິໄສທັດຍຸດທະສາດ ແມ່ນທັດສະນະແນວຄິດຊີ້ນໍາ ອັນ ເປັນພື້ນຖານທັງເປັນເຂັມຊີ້ທິດເຍືອງທາງອັນໃສແຈ້ງ ໃຫ້ແກ່ຂະບວນການແຂ່ງຂັນຮັກຊາດ-ພັດທະນາ, ໂດຍສະເພາະແມ່ນ ສ້າງຜົນງານໃໝ່ໃຫຍ່ຫຼວງກວ່າເກົ່າ ເພື່ອຂໍ່ານັບຮັບຕ້ອນວັນ ສ້າງຕັ້ງ ພັກປະຊາຊົນປະຕິວັດລາວ ທີ່ມີກຽດສະຫງ່າ ຄົບຮອບ 65 ປີ, ວັນສະຖາປະນາ ສປປ ລາວ ຄົບຮອບ 45 ປີ, ວັນຄ້າຍວັນເກີດປະທານ ໄກສອນ ພົມວິຫານ ຜູ້ນໍາທີ່ຍິ່ງ ໃຫຍ່ ແລະ ແສນເຄົາລົບຮັກ ຂອງປວງຊົນລາວທັງຊາດ ຄົບຮອບ 100 ປີ, ການກະກຽມດໍາເນີນກອງປະຊຸມໃຫຍ່ ຄັ້ງທີ XI ຂອງພັກ ແລະ ຄັ້ງທີ X ຂອງອົງຄະນະພັກ ແຂວງ ເຊກອງ ໃຫ້ມີບັນຍາກາດຟົດຟື້ນ ແລະ ກາຍເປັນຂະບວນການຂອງທົ່ວປວງຊົນ.

      ຕາງໜ້າໃຫ້ຄະນະພັກຊຸດໃໝ່ ແລະ ຜູ້ແທນກອງປະຊຸມ, ສະຫາຍ ບຸນທັນ ແກ້ວມະນີໄລ ໄດ້ກ່າວປະຕິຍານ ຕໍ່ສະຫາຍ ຮອງເລຂາພັກແຂວງ ທີ່ເຄົາລົບຮັກວ່າ:ຜູ້ແທນ ກອງປະຊຸມໃຫຍ່ ຈະຕັ້ງໜ້າຄົ້ນຄວ້າຮໍ່າຮຽນ ແລະ ຈັດຕັ້ງຜັນຂະຫຍາຍເນື້ອ ໃນຈິດໃຈຊີ້ນໍາຂອງສະຫາຍຮອງເລຂາພັກແຂວງ ໃຫ້ເຂົ້າສູ່ຊີວິດຕົວຈິງ, ພ້ອມທັງເອົາໃຈໃສ່ ເພີ່ມທະວີຄວາມສາມັກຄີ ເປັນ ເອກະພາບພາຍໃນພັກ, ເພື່ອສ້າງໃຫ້ໜ່ວຍພັກມີຄວາມປອດໃສ ເຂັ້ມແຂງ ແລະໜັກແໜ້ນຢ່າງແທ້ຈິງ

                                                      ອີກເທື່ອໜຶ່ງ, ຜູ້ແທນກອງປະຊຸມ ຂໍອວຍພອນໄຊອັນປະເສີດ ໃຫ້ສະຫາຍຮອງເລຂາພັກແຂວງ

          ພ້ອມດ້ວຍບັນດາສະຫາຍ ໃນຄະນະປະຈໍາພັກແຂວງ ຈົ່ງມີສຸຂະພາບເຂັ້ມແຂງ, ມີຄວາມຜາສຸກສໍາລານ ໃນຊີວິດສ່ວນຕົວ ແລະ ຄອບຄົວ, ສືບຕໍ່ເປັນຮົ່ມໂພໄຊ ຊີ້ນໍາ- ນໍາພາແຂວງເຊກອງ ໃຫ້ກ້າວສູ່ຄວາມຈະເລີນວັດທະນາຢ່າງບໍ່ຢຸດຢັ້ງ.

                                                       ກອງປະຊຸມໃຫຍ່ ດໍາເນີນແຕ່ເວລາ 8:00 ຈົນເຖິງ 12:00 ກໍໄດ້ສໍາເລັດລົງຢ່າງຈົບງາມ.

 

ຄໍາເຫັນຂອງ ທ່ານ ດາວວີ ສວຍທະລັງສີ ຫົວໜ້າ ຄອຂ ຕໍ່ເວັບໄຊສ

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 44 ປີ

ວີດີໂອ....

ເຊື່ອມຕໍ່ເວບໄຊ້ທ

ເບີໂທສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 12  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

134233
ມື້ນີ້ມື້ນີ້12
ມື້ວານນີ້ມື້ວານນີ້85
ອາທິດນີ້ອາທິດນີ້62
ເດືອນນີ້ເດືອນນີ້2244
ທັງໝົດທັງໝົດ134233