ທ່ານຫົວໜ້າຄະນະໂຄສະນາອົບຮົມແຂວງ ລົງຊຸກຍູ້ວຽກງານການເມືອງ-ແນວຄິດຢູ່ເມືອງກະລຶມໃໝ່

ລາຍລະອຽດ

ສ້າງຂື້ນເມື່ອ ວັນອັງຄານ, 13 ຕຸລາ 2020 02:03

ຂຽນໂດຍ Darling

 ໃນວັນທີ 22/6/2020 ຜ່ານມາ ທ່ານ ດາວວີ   ສວຍທະລັງສີ ກໍາມະການພັກແຂວງ, ເລຂາໜ່ວຍພັກ-  ຫົວໜ້າ ຄະນະໂຄສະນາອົບຮົມແຂວງ ໄດ້ລົງ    ເຄື່ອນໄຫວເພື່ອ   ຊຸກຍູ້ ແລະ ຕິດຕາມການດໍາເນີນ  ວຽກງານການເມືອງ-   ແນວຄິດ ຢູ່ເມືອງກະລຶມໃໝ່,  ໂດຍການຕ້ອນຮັບຢ່າງ   ອົບອຸ່ນຈາກ ທ່ານ ວຽງໄຊ ສຸກ  ມະນີຄະນະປະຈໍາພັກເມືອງ   ຫົວໜ້າຫ້ອງການໂຄສະນາ  ອົບຮົມເມືອງ ພ້ອມຄະນະ   ແລະລາຍງານສະພາບການ  ດໍາເນີນວຽກງານເມືອງ-ແນວ   ຄິດ ພາຍໃນເມືອງໄລຍະ  ຜ່ານມາ ໃຫ້ທ່ານຫົວໜ້າຄະນະ   ໂຄສະນາອົບແຂວງຮັບ  ຊາບ ພ້ອມທັງສະເໜີບາງບັນຫາ   ໃຫ້ທາງແຂວງຊ່ວຍ  ແກ້ໄຂ ເປັນຕົ້ນວ່າ: ທຶນຮຽນຕໍ່   ລະດັບ  ປະລິນຍາຕີ  ດ້ານທິດສະດີການເມືອງ ຫຼື ວິຊາ   ສະເພາະກໍໄດ້,  ພະນັກງານບໍ່ພໍ, ງົບປະມານມີຈໍາກັດ     ບັນຫາໜຶ່ງອີກ  ແມ່ນ ຄະນະໂຄສະນາອົບຮົມເມືອງທັງ 3   ຄົນ ລ້ວນແຕ່ຄົນໃໝ່ ຍ້າຍມາແຕ່ຂະແໜງອື່ນ.

         ເພື່ອໃຫ້ຄະນະໂຄສະນາອົບຮົມເມືອງຊຸດໃໝ່ ເຮັດຫຼ້ອນໜ້າທີ່ການເມືອງອັນສູງສົ່ງ, ທ່ານຫົວໜ້າຄະນະໂຄສະນາແຂວງ ກໍໄດ້ມີຄໍາເຫັນໂອ້ລົມ ເນັ້ນໜັກໃຫ້ເອົາໃຈໃສ່ ແລະ ຖືສໍາຄັນວຽກງານສຶກສາອົບຮົມການເມືອງ-ແນວຄິດ ຖືວຽກນີ້ເປັນວຽກກົກ ທີ່ຕ້ອງເຮັດກ່ອນ ເຮັດໄປພ້ອມກັບ ແລະ ເຮັດຕາມຫຼັງຂະບວນການ, ສອດຫ້ອຍໄປທຸກຂົງເຂດວຽກງານ ເພື່ອແກ້ໄຂໃຫ້ທັນການກ່ຽວກັບ ຫາງສຽງຈົ່ມວ່າຂອງສັງຄົມ ພະນັກງານໂຄສະນາ ແມ່ນມັນສະໝອງ ທັງເປັນໂຄສົກຂອງພັກ, ຢາກໃຫ້ແນວທາງແຜນນະໂຍບາຍຂອງພັກທີ່ວາງອອກ ໄດ້ຮັບການຈັດຕັ້ງປະຕິບັດໃຫ້ເປັນຈິງ ມັນກໍຈໍາເປັນຕ້ອງໄດ້ ເຮັດວຽກງານໂຄສະນາສຶກສາອົບຮົມ ມະຫາຊົນໃຫ້ຮັບຮູ້ເຂົ້າໃຈກ່ອນ, ຖ້າບໍ່ດັ່ງນັ້ນ ແນວທາງແຜນນະໂຍບາຍຂອງພັກ ກໍຈະດີພຽງແຕ່ໃນເອກະສານຊື່ໆ; ໃນໂອກາດດັ່ງກ່າວ ທ່ານຫົວໜ້າ ຄະນະໂຄສະນາອົບຮົມແຂວງ ຍັງໄດ້ມອບເຄື່ອງປຼິນເຕີ 1 ເຄື່ອງ ໃຫ້ເມືອງຕື່ມອີກ.

         ສໍາລັບຂໍ້ສະເໜີຂອງເມືອງນັ້ນ, ຄະນະໂຄສະນາອົບຮົມແຂວງ ຍິນດີຮັບເອົາ ແລະ ຈະຊອກວິທີທາງແກ້ໄຂຕາມຄວາມສາມາດຈິງ.

• < ຕໍ່ໄປ
• ຕໍ່ໄປ >