ຫົວໜ້າຄະນະໂຄສະນາອົບຮົມແຂວງ ເຂົ້າຮ່ວມກອງປະຊຸມສ້າງຄວາມເຂັ້ມແຂງ ພັດທະນາການທ່ອງທ່ຽວ, ເຊື່ອມໂຍງບັນດາແຂວງພາກໃຕ້, ຮ່ວມເປີດງານວາງສະແດງສິນຄ້າ ແລະ ເທດສະການອາຫານບັນດາເຜົ່າ

ລາຍລະອຽດ

ສ້າງຂື້ນເມື່ອ ວັນຈັນ, 20 ກຸມພາ 2023 05:21

ຂຽນໂດຍ Darling

        ໃນຕອນເຊົ້າຂອງວັນທີ່ 17 ກຸມພາ 2023 ເວລາ 7:00 ໂມງ ຫົວໜ້າຄະນະໂຄສະນາອົບຮົມແຂວງ ໄດ້ເຂົ້າຮ່ວມກອງປະຊຸມສ້າງຄວາມເຂັ້ມແຂງ ພັດທະນາການທ່ອງທ່ຽວແຂວງເຊກອງເຊື່ອມໂຍງບັນດາແຂວງພາກໃຕ້, ເຂດພູພຽງບໍລະເວນ ພ້ອມທັງຮ່ວມເປີດງານວາງສະ ແດງສິນຄ້າ ແລະ ເທດສະການອາຫານບັນດາເຜົ່າ ເຊິ່ງໄດ້ຈັດຂື້ນ ທີ່ເມືອງທ່າແຕງ ຄັ້ງວັນທີ 16-17 ກຸມພາ 2023. ພາຍໃຕ້ການເຂົ້າ ຮ່ວມເປັນປະທານຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ຖະແຫຼງຂ່າວ ວັດຖະນະທຳ ແລະ ທ່ອງທ່ຽວ, ມີ ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ມີການນໍາຈາກແຂວງຈຳປາສັກ, ແຂວງສາລະວັນ, ແຂວງ ອັດຕະປື, ຫົວໜ້າ, ຮອງພະແນກການອ້ອມຂ້າງແຂວງເຈົ້າເມືອງ ແລະ ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ 4 ແຂວງ ພາກໃຕ້, ການນໍາເມືອງທ່າແຕງ, ນັກທຸລະກິດພ້ອມດ້ວຍປະຊາຊົນບັນດາເຜົ່າເຂົ້້າຮ່ວມຢ່າງຫຼວງຫຼາຍ.

         ໃນວາລະກອງປະຊຸມ ທ່ານ ບູ່ໄຊ ໄຊຍະແສນ ຫົວໜ້າພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງເຊກອງ ໄດ້ຜ່ານບົດລາຍງານຜົນສຳເລັດໃນການຈັດຕັ້ງປະຕິບັດວຽກງານທ່ອງທ່ຽວປະຈຳປີ 2021-2022 ແລະ ສະເໜີແຜນພັດທະນາການທ່ອງທ່ຽວແຂວງເຊກອງ ພ້ອມນັ້ນການນໍາຂັ້ນສູນກາງ ແລະ ຂັ້ນແຂວງກໍໄດ້ສະແດງຄວາມຊົມເຊີຍໃນການຈັດຕັ້ງປະຕິບັດແຜນພັດທະນາໃນໄລຍະຜ່ານມາ ເຊິ່ງແຕ່ລະພາກສ່ວນໄດ້ເອົາໃຈໃສ່ ແລະ ມີຄວາມຮັບຜິດຊອບສູງ, ຖືເອົາວຽກງານດັ່ງກ່າວເປັນເສດຖະກິດປາຍແຫຼມ, ສາມາດຕ້ອນຮັບນັກທ່ອງທ່ຽວ ພາຍໃນຫລາຍກວ່າ 1.5 ລ້ານ ຕ່າງປະເທດ 1 ລ້ານ ກວ່າຄົນ ແລະ ຍັງໄດ້ຮຽກຮ້ອງໃຫ້ທຸກພາກສ່ວນເພີ່ມວີທີການໂຄສະນາໃຫ້ປະຊາຊົນມີສ່ວນຮ່ວມໃນການປົກປັກຮັກສາເເຫລ່ງທ່ອງທ່ຽວ ໂດຍການມີສ່ວນຮາວມທັງພາກລັດ ແລະ ເອກະຊົນໃນການພັດທະນາ ແລະ ການອະນຸລັກໃຫ້ໄປພ້ອມໆກັນ.

• < ຕໍ່ໄປ
• ຕໍ່ໄປ >