ສະຫາຍ ທອງລູນ ສີສຸລິດ ເລຂາທິການໃຫຍ່, ປະທານປະເທດແຫ່ງ ສປປ ລາວ ມີຄໍາເຫັນ ໂອ້ລົມຕໍ່ກອງປະຊຸມ ວຽກງານການເມືອງ-ແນວຄິດ ທົ່ວແຂວງ ເຊກອງ.

ລາຍລະອຽດ

ສ້າງຂື້ນເມື່ອ ວັນຈັນ, 27 ມີນາ 2023 03:48

ຂຽນໂດຍ Darling

            ໃນຕອນເຊົ້າຂອງວັນທີ 24 ມີນາ 2023  ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ໄດ້ໃຫ້ກຽດມີຄໍາເຫັນໂອ້ລົມຕໍ່ກອງປະຊຸມວຽກງານການເມືອງ-ແນວຄິດ ທົ່ວແຂວງເຊກອງ ເຊິ່ງທ່ານໄດ້ເນັ້ນໜັກໃຫ້ຄະນະບໍລິຫານງານພັກແຂວງເຊກອງ ແລະ ຄະນະພັກແຕ່ລະຂັ້ນເອົາໃຈໃສ່ ເພີ່ມທະວີການນໍາພາຂອງພັກ ສ້າງການຫັນປ່ຽນ ວຽກງານການເມືອງ-ແນວຄິດໄປສູ່ຄຸນະພາບໃໝ່ຢ່າງແຂງແຮງ

 ດ້ວຍການຈັດຕັ້ງເຊື່ອມຊຶມແນວທາງຂອງພັກ, ລະບຽບກົດໝາຍຂອງລັດໃຫ້ພະນັກງານ, ສະມາຊິກພັກ ແລະ ປະຊາຊົນບັນດາເຜົ່າ ຮັບຮູ້, ເຂົ້າໃຈຢ່າງທົ່ວເຖິງ ພາຍຫຼັງສຳເລັດກອງປະຊຸມນີ້ແລ້ວ ກໍໃຫ້ຄະນະພັກແຕ່ລະຂັ້ນຮິບຮ້ອນຈັດຕັ້ງຜັນຂະຫຍາຍໃຫ້ເລິກເຊິງເຖິງຖອງ, ໃຫ້ແທດເໝາະກັບສະຖານະການຂອງໂລກໃນປະຈຸບັນ ແລະ ຮັບເອົາແນວຄິດ, ທິດທາງ, ກົນໄກ ແລະ ຈິນຕະນາການແບບໃໝ່, ແກ້ໄຂຈຸດອ່ອນຢ່າງເອົາການເອົາງານແລະ ດ້ວຍຄວາມຮັບຜິດຊອບ, ສ້າງຕົນເອງໃຫ້ມີແນວຄິດຕັ້ງໜ້າ, ກ້າຫານ. ສ້າງຄວາມສະຫຼາດສ່ອງ ໃສ, ໜັກແໜ້ນ ແລະ ເປັນພັກທີ່ນໍາພາປະຊາຊົນ, ເອົາປະຊາຊົນເປັນໃຈກາງ ແລະ ເປັນເປົ້າໝາຍຂອງແຜນຍຸດທະສາດໃນການແກ້ໄຂຊີວິດການເປັນຢູ່ຂອງປະຊາຊົນໃຫ້ດີຂື້ນ, ພ້ອມກັນປັບປຸງລະບົບສື່ມ່ວນຊົນໃຫ້ໄດ້ຄຸນນະພາບໃໝ່. ພ້ອມດຽວກັນ ສະຫາຍ ທອງລຸນ ສີສຸລິດ ຍັງໄດ້ອວຍພອນຕໍ່ກອງປະຊຸມຈົ່ງນຳເອົາຜົນສຳເລັດ ວຽກງານການເມືອງ-ແນວຄິດ ໄປເຜີຍແຜ່ ແລະ ຈັດຕັ້ງປະຕິບັດໃຫ້ເກີດດອກອອກຜົນ.

• < ຕໍ່ໄປ
• ຕໍ່ໄປ >