ຄະນະໂຄສະນາອົບຮົມແຂວງ ເຂົົ້າຮ່ວມກອງປະຊຸມສ່ອງແສງລາຍງານການເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ) ຂອງຄະນະໂຄສະນາອົບຮົມແຂວງ

ລາຍລະອຽດ

ສ້າງຂື້ນເມື່ອ ວັນພຸດ, 24 ພຶດສະພາ 2023 03:25

ຂຽນໂດຍ Darling

          ຄະນະໂຄສະນາອົບຮົມແຂວງ ເຂົົ້າຮ່ວມກອງປະຊຸມສ່ອງແສງລາຍງານການເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊສ) ຂອງຄະນະໂຄສະນາອົບຮົມແຂວງ ປະຈຳໄຕມາດ I (1-2-3/ 2023)ໃນວັນທີ 28 ມີນາ 2023, ເວລາ 8:00 ໂມງເຊົ້າ ພາຍໃຕ້ການເຂົ້າຮ່ວມເປັນຂອງ ທ່ານ ນາງ ວິລະວອນ ພັນທະວົງ ຄະນະປະຈຳພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນຳວຽກງານກົມຂໍ້ມູນຂ່າວສານ ແລະ ຝຶກອົບຮົມ, ມີ ທ່ານ ວັນຕຸລາ ຣັກນຸດ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ຫົວໜ້າ, ຮອງຫົວໜ້າຄະນະໂຄສະນາອົບຮົມແຂວງ, ພ້ອມດ້ວຍພະນັກງານວິຊາການ ທີ່ຮັບຜິດຊອບວຽກງານເວັບໄຊສຂອງຄະນະໂຄສະນາອົບຮົມແຂວງ 16 ແຂວງ ແລະ 1 ນະຄອນຫລວງ ເຂົ້າຮ່ວມ.

          ໃນກອງປະຊຸມ ທ່ານ ວັນຕຸລາ ຣັກນຸດ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ ໄດ້ຜ່ານ ພາລະບົດ ບາດຂອງກົມຂໍ້ມູນຂ່າວສານ ແລະ ຝຶກອົບຮົມ. ຈາກນັ້ນຄະນະແອັດມິນແຕ່ລະແຂວງ ໄດ້ລາຍງານການເຄື່ອນ ໄຫວຈັດຕັ້ງປະຕິບັດວຽກງານເວັບໄຊສ ຂອງຄະນະໂຄສະນາອົບຮົມແຂວງຕົນ ໃນໄລຍະ 3 ເດືອນຜ່ານມາ.

        ໃນໂອກາດນີ້ ທ່ານ ນາງ ວິລະວອນ ພັນທະວົງ ຄະນະປະຈຳພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນຳວຽກງານກົມຂໍ້ມູນຂ່າວສານ ແລະ ຝຶກອົບຮົມ ໄດ້ມີຄຳເຫັນຕໍ່ກອງປະຊຸມ ເພື່ອແນໃສ່ຍົກສູງ ວຽກງານໂຄສະນາອົບຮົມໃຫ້ກ້າວເຂົ້າສູ່ຄວາມທັນສະໄໝ ເຊິ່ງຄະນະໂຄສະນາອົບຮົມສູນກາງພັກ ໄດ້ໃຫ້ຄວາມສໍາຄັນ ຕໍ່ກັບວຽກງານດັັ່ງກ່າວ, ຮຽກຮ້ອງໃຫ້ບັນດາແຂວງ ມີເຄື່ອງມືໃນການໂຄສະນາ ໃຫ້ ແກ່ຄະນະພັກ, ຄະນະນໍາຂອງຕົນ; ເຊິ່ງເປັນຜົນສຳເລັດທີ່ບັນດາສະຫາຍຈັດຕັ້ງປະຕິບັດຜ່ານມາໃນການນໍາໃຊ້ ເວັບໄຊສເຂົ້າໃນການເຜີຍແຜ່ແນວທາງ, ມະຕິຄໍາສັັ່ງ, ການເຄື່ອນໄຫວຂອງຄະນະນໍາ ແລະ ປະຊາສຳພັນ ເຫັນວ່າຫຼາຍແຂວງສາມາດເຮັດໄດ້ດີ, ຕ່າງໜ້າໃຫ້ຄະນະພັກ ຄະນະນໍາ ຄະນະໂຄສະນາອົບຮົມສູນກາງພັກ ແລະ ໃນນາມສ່ວນຕົວ ຂໍສະແດງຄວາມຍ້ອງຍໍຊົມເຊີຍ ຕໍ່ຄະນະພັກ ຄະນະນໍາ ແລະ ຜູ້ຮັບຜິດຊອບເວບໄຊສຂອງຄະນະໂຄສະນາອົບຮົມແຂວງໃນທົ່ວປະເທດ ທີ່ໄດ້ເຊີດຊູຄວາມຮັບຜິດຊອບ, ເອົາໃຈໃສ່ຊີ້ນໍາ-ນໍາພາ ວຽກງານໄອທີໄດ້ເຄື່ອນໄຫວຢ່າງຕໍ່ເນື່ອງ.

• < ຕໍ່ໄປ
• ຕໍ່ໄປ >