ຄ ອ ຂ ປາຖະກະຖາ 2 ວັນປະຫວັດສາດສໍາຄັນ

   ຕອນເຊົ້າວັນທີ 25/9/2019 ຄະນະໂຄສະນາອົບຮົມແຂວງເຊກອງ ໄດ້ຈັດຕັ້ງປາຖະກະຖາຫວນຄືນມູນເຊື້ອ 2 ວັນປະຫວັດ ສາດສໍາຄັນຂຶ້ນທີ່ຫ້ອງປະຊຸມຂອງກົມກອງຕົນເອງ ເຂົ້າຮ່ວມຮັບຟັງມີ ທ່ານ ດາວວີ ສວຍທະລັງສີ ກໍາມະການພັກແຂວງ ຫົວໜ້າຄະນະໂຄສະນາອົບຮົມແຂວງ, ບັນດາທ່ານຄະນະພັກ-ຄະນະນໍາ, ຫົວໜ້າ ແລະ ຮອງຂະແໜງ, ຕະຫຼອດຮອດສະມາຊິກພັກ, ພະນັກງານລັດຖະກອນໝົດທຸກຄົນ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມຢ່າງພ້ອມພຽງ.

          ເນື້ອໃນທີ່ນໍາມາ ຈັດຕັ້ງເຊື່ອມຊຶມໃນຄັ້ງນີ້ມີຄື: ວັນຊາດ ສາທາລະນະລັດ ສັງຄົມນິຍົມຫວຽດນາມຄົບຮອບ 74 ປີ (2/9/1945 -2/9/2019) ໃຫ້ກຽດປາຖະກະຖາໂດຍ: ທ່ານ ບຸນທັນ ແກ້ວມະນີໄລ ຮອງຫົວໜ້າຄະນະໂຄສະນາອົບຮົມແຂວງ ແລະ ວັນສ້າງ ຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 17 ປີ (9/9/2002-9/9/2019) ໃຫ້ ກຽດປາຖະກະຖາໂດຍ: ທ່ານ ແສງຄໍາ ສຸວັນແດງ ຄະນະໜ່ວຍພັກ    ຮອງຫົວໜ້າ ຄະນະໂຄສະນາອົບຮົມແຂວງ; ຈຸດປະສົງ ກໍເພື່ອສຶກສາອົບຮົມການເມືອງນໍາພາ-ແນວຄິດ ໃຫ້ຖັນແຖວສະມາຊິກພັກ, ພະນັກງານລັດຖະກອນ ພາຍໃນຄະນະໂຄສະນາອົບຮົມແຂວງ ໄດ້ຮັບຮູ້ເຂົ້າໃຈ ຢ່າງເລິກ ເຊິ່ງຕື່ມອີກ ກ່ຽວກັບມູນເຊື້ອ, ຄວາມໝາຍ ຄວາມສໍາຄັນ ຂອງວັນປະຫວັດສາດ ດັ່ງກ່າວນນັ້ນເພື່ອນໍາໄປເປັນບົດຮຽນ ຜັນຂະຫຍາຍເຂົ້າໃສ່ການປະຕິບັດ ໜ້າທີ່ວຽກງານອັນສູງສົ່ງຂອງຕົນ ທີ່ການຈັດຕັ້ງມອບໝາຍ ໃຫ້ບັນລຸຜົນ ສໍາເລັດຕາມຄາດ ໝາຍ ຫຼື ມີບາງດ້ານລື່ນຄາດໝາຍ ກໍຍິ່ງເປັນການດີ.

         ໃນຕອນທ້າຍພິທີ ຍັງໄດ້ຮັບກຽດ ຟັງຄໍາເຫັນໂອ້ລົມຈາກ ທ່ານ ດາວວີ ສວຍທະລັງສີ, ເຊິ່ງທ່ານເນັ້ນໜັກໃຫ້ຜູ້ເຂົ້າຮ່ວມ ທັງໝົດ, ໂດຍສະເພາະແມ່ນພະນັກງານຮຸ່ນສືບ ທອດ ຍິ່ງຕ້ອງໄດ້ດຸໝັ່ນຝຶກຝົນຕົນເອງຢ່າງເປັນປະຈໍາ ບໍ່ວ່າຈະເປັນທາງ ດ້ານທ່າທີ ຫຼື ອິລິຍະບົດຕ່າງໆ ໃຫ້ສົມກັບວ່າ ເປັນນັກປາຖະກະຖາ.

                       ພິທີໄດ້ດໍາເນີນແຕ່ເວລາ 8:00-11:00 ນາທີ ແລະ ກໍສໍາເລັດລົງ ດ້ວຍໝາກຜົນອັນຈົບງາມ.